Actualmente estamos levando a cabo un importante proceso de formación interna, que nos axudará a afrontar todos os proxectos novos que poñeremos en funcionamento neste ano.
Os Hipócritas nunha das xornadas de formación
A formación permanente ao longo deste curso pretende ser un laboratorio onde os actores e actrices investiguen sobre a expresividade do corpo e da voz. Comezamos cunha posta a punto corporal e imos introducindo novos elementos que permiten afondar no feito teatral, mellorando así as capacidades creativas, expresivas e comunicativas.
O curso que estamos levando a cabo agora mesmo é eminentemente práctico e parte da concepción do corpo como ferramenta básica do actor. A través da expresión corporal e do xogo teatral, aprendemos a gozar do noso corpo, a liberar tensións e a deixarnos levar pola nosa imaxinación, axudándonos deste xeito a dispoñernos para un traballo de interpretación que vaia máis alá do propio texto.
En un breve período de tempo compartiremos con todos no noso blog o novo calendario de actividades.
Autor da información:Hipócrita Teatro
The post PREPARÁNDONOS PARA UN ANO CARGADO DE TEATRO appeared first on Lugo Cultura Dixital.
Leer más http://www.lugoculturadixital.es/preparandonos-para-un-ano-cargado-de-teatro-2/